Сода бикарбонa е ефикасен, брзо делувачки антацид, средство кое го неутрализира вишокот на желудочна киселина. Како слабо алкална супстанца, ја намалува киселоста во желудникот, ја нормализира неговата pH вредост, па со самото тоа доведува до намалување на симптомите на киселина. Зголемената киселост на желудочната содржина често е предизвикана од консумирање на кисела и мрсна храна, кафе и алкохол. Пропратена е со низа на непријатни симптоми: болки во стомакот, кисело подригнување, пецкање или жарење во пределот на грлото и желудникот. Оштетувањето на желудочната слузница може да предизвика настанување на гастритис или чир на желудникот, па потребно е зголемената киселост на желудникот да се третира со благи антациди, како што е сода бикарбона. Активна супстанца во таблетите Сода бикарбона, Натриум хидрогенкарбонат, е со фармацевтски квалитет, пречистена и детално испитана, па со самото тоа и побезбедна за употреба од прехрамбената.
